مهند العبادي ( 27 سنة ) - العراق
منذ 3 سنواتبراءة ذمه
والدي توفى قبل ٦ اشهر لكن واجهتنا مشكلة وهي (عمي جان متزوج وحدة وطلكها لكن قبل لايطلكها ،جانوا عمامي ٥ كلهم ساكنين بيت واحد ورادوا يبنون البيت ف ابوي تكلم وي زوجة عمي وانطته ذهبهه حتى يبني بيه بيت العائلة وكالهه بعد مانكمل ارجعه الج وبعد سنة او اكثر عمي طلكها بسبب مشاكل شرف وجان الاتفاق بين اهلهم ان مانكول للناس ليش اطلكت بالمقابل الذهب يطيح ) وتم الطلاك وانتهه الموضوع وبعد ٣٠ سنه والان والدي توفه وزوجة عمي تزوجت وصار عدهه ١٠ اطفال حاليا ودوا علينه نريد فلوس الذهب والا مانبري ابوكم الذمة؟ كلنة لعمامي كالو طاح الذهب من سكتنا ع سالفتها السودة السوتهه وجان هالشب بطلب اهل طليقة عمي طبعا المهم شيخنا هسه كالت اريد ٢٥٠ الف منكم وابري ابوكم الذمة خذينالهه ٢٥٠ ورحنة شو هاي اختلفت علينة تكول اريد من عمامكم كلهم فلوس الذهب كنالهه عمامي مايدفعون وهاي الفلوس ٢٥٠ طلبتيهه من عدنه كالت لا ماخذهه الاجيبولي من عمامكم كلهم؟ يعني شافت نقطه ضعفنه نريد ذمة ابونا ؟ شنو موقفنه هسه وشون نبري الذمة لابوي
حسب رأي السيد السيستاني
اذا كان تنازلها عن الذهب برضاها وهي وافقت على الفكرة في قبال عدم التحدث بموضع سبب الطلاق فلا شيء عليكم ، اما اذا كان تنازلها عن الذهب بالاكراه والاجبار فلا وجه لاخذ الذهب فاخذه حرام وعليه فاذا كان ابوك قد اخذ منها الذهب على نحو الشراكة ما بين الاعمام في تسديد المبلغ فلا يجب عليكم غير دفع الحصة التي اشتغلت بها ذمة ابيكم فاذا كان الحصة مقدارها (٢٥٠)فعليكم دفع هذا المبلغ ولا شيء عليكم ولا على ابيكم ولا دخل لكم باعمامكم، اما اذا كان ابوك قد اخذ المال على نحو الاستقلال وله فهو الذي يتحمل المبلغ كله ولا شيء على اعمامكم.
