يا حسين ( 45 سنة ) - العراق
منذ سنتينزياره القبور
السلام عليكم اني عندي والدتي متوفية واني اروح ازورها واعتني بقبرها ازينه بالاشرطه الملونه والمزهريات باستمرار واني محافضه ع قبرها من توفت الفنانه (تاره فارس ) لابد سامعين بيها جنابكم دفنوها بالقرب من قبر والدتي مع العلم ان والدتي علويه فبعد بناء القبر تاره فارس بدت تجي لزيارتها شباب صغار وكبار فكامو يخربون الزينه مال قبر والدتي يخلوها ع قبر تاره فارس اني حجيت وياهم ونصحتهم اكثر من مرتين كتلهم ميصير هيج ميجوز جوزو من قبر والدتي ماكو اي فائده جمعه من الجمع رحت لقبر والدتي لقيته نفس الوضع ايضا مخربين القبر مال والدتي ومخلين الزينه ع قبر تاره ف اني رحت يم قبر تاره وفتحت الشباك مال القبر وخريت الزينه وخذت الزينه الحاصه بقبر والدتي من قبرها ورجعتها لقبر والدتي وخربت القبر مالت تاره ثم حسيت بندم شديد ف الناس قالو لي ثوبي لها واستشرعت عند احد الساده قال لي زوري قبرها واقرأي لها سوره الفاتحه يعني الان انا فعلا يجب ان اثوب لها حسب كلام الناس ام فقط قراءة الفاتحه وهل انا ارتكبت ذنب هل عليه كفاره؟
وعليكم السلام ورحمة الله وبركاته اذا كان هناك شيء اخذته من على قبرها ليس لك يجب ارجاعه إلى قبرها واذا كنت اتلفت شيئا راجعا لغيرك فيلزمك ضمانه فان كان له مثيل لزم ان تاتي بمثله وترجعيه على قبرها وان لم يكن له مثيل فعليك دفع قيمته نيابة عن صاحبه للفقير المستحق وعليك الاستغفار مما صدر منك في التصرف في امور غيرك.