( 18 سنة ) - العراق
منذ أسبوعارتداء العباءة مع عدم قبول الاهل في ارتدائها
السلام عليكم اني عمري 14 اريد البس العباءة بالمدرسه بس امي ما تقبل حاولت وياهه كلش هواي. و ملابسي مال المدرسه يعني عريضه بس تقريباً شويه تبين مفاتن جسمي و مو ساده يعني بيهه ازرار وهيج اشياء هل تعد زينه؟ . علما اني مدرستي بس بنات واروح بخط للمدرسه لكن امشي بشارع حتى اوصل للخط وهذا الشارع بي طلاب. زين شلون اتصرف بهذه الحاله واني ما اكدر البس العباءة ؟ هل يحتسب عليه حرام او لا وهل واجب عليه العباءة في هذا العمر؟ و ايضا اني يعني احنه ساكنين بريف يعني كل اعمامي يمنه بيت على بيت واحنه يعني هنا ماكو وحده تطلع بعباءة او صايه كلهه بطرك الثوب ف اني البس ثوب عريض وشال تقريبا طويل لكن مو كلش بس هو طويل يعني حلال اطلع كدام ولد اعمامي لو حرام؟ واذا اكو شيء بي فائدة ارجوا اجابتي وشكرا لكم
حسب رأي السيد السيستاني
عليكم السلام و رحمة الله و بركاته يجب على المرأة أن تستر شعرها وما عدا الوجه والكفين من بدنها عن غير الزوج والمحارم من البالغين مطلقاً، والمعتبر في حجاب المرأة ستر ما يجب ستره عن الرجال الأجانب بحيث لا يبرز مفاتن جسدها لهم ولا يُعدّ زينةً عرفاً، فإذا كان غير العباءة يفي بهذا الغرض فلا بأس به ومع ذلك ينبغي للمرأة المسلمة أن تختار التحجّب بالعباءة.
