المجیب - اني طالبة سادس عايدة سنة باول سنة ابوي كلي اعاملج مثل الحيوانة حتى تطلعين معدل وبالنسبة المنهجنة الكبير مال سادس اعدادي جان مستحيل انجح اصلا بالجدول الي سواه ابوي خلاني اقرة كتاب كامل باسبوع بس بعد ما رحت توسلت بنته الي من زوجته الاولى اقنعته يخلي فصل هم جان هواي بس حاولت وخلصت المدرسة وبدت المتحانات واني مخلصة نص المنهج ما انكر انو اني ما سختت هم بس جنت اعتبر تسخيتي ترفيه شنو الي وفره بابا هذي السنة اولا لابتوب ولابتوب اني مجنت رايدته لان صعب ادرس عليه ولازم اكون طول اليوم كاعده عليه وما اتحرك حتى عظامي تكسرت من الكعدة و زاد وزني جان مقتنع انو يشتري لي ايباد بس بنته غيرت راية وكالت له لا لابتوب احسن طبعا ملازم ما اشترالي والمدرسة ماكو الا انتساب لان مدرستنا مو زينة السنة الثانية كال لي عيدي وعد برضاي وموافقته بس هاي السنة مثلا لجحيم خلاني ادرس كتاب كامل اكثر من 400 صفحة باسبوع ولابتوبي جان عطلان وهم اذا ما اجاوب على امتحان جان يكتلني واني عمري 19 سنة وحتى دم يطلع من خشمي ومرة اذني نشكت ومن كلتله كلي ذكريني ما اجرج من اذنج اضطريت اغش بامتحاناته علمود ما انكتل و اهملت دراستي بلكوة دخلت وزاري وحتى المدرسات ساعدوني ودفعت خمستالاف عيدياتي مال عيد نشاط صفي حتى ادخل وهاي السنة هم انتساب لان بابا ما قبل ينقلني الغير مدرسة بفلوس كال بالبيت احسن لج بعدين ادمرت نفسيتي اكثر من شفت بنته من زوجته الاولى دخلوها معهد الكتروني وهي اصلا متميزين واشترولها ايباد ومن تروح تمتحن يجذب علي ويكول لو رايحة الطبيب لو رايحة عدها شغله بالمدرسة يكول الامي مو الي لان اني ما الي اهمية بعدين تعاركو هو وامي وماما راحت البيت جدو وجان كلبي منفوخ لان اخر فترة هواي جان يضربني بسبب وبدون سبب واليحرك الدم اكثر من ابنائه من مرته الاولى ومرته الاولى يضوجوه واني مثلا بس احجي بصوت عالي يجي يكتلني ويفرغ حركته بيه بالفترة الي جانت ماما ماموجودة يمنا كلتله رجع ماما كال ما ارجعها هي زعلت وراحت هي ترجع اذا تريد كلتله طبعا تزعل اذا هي تحجي وانت متجاهلها وتسكتها وتروح تحجي ويا ابنك اني من يمي يحترك كلبي من اشوفك هيج وكلتله انت ما عندك لا حساس ولا ضمير من هاي الكلمة اجه وكتلني ولوة ايدي اجه يكسرها و اثبت لي انو هو لا حساس ولا ضمير فرجعت كلتله هاي الكلمة وهو رجع كتلني وكطعني واختي كلتله بابا عوفها دنيا المغرب وهو تفل بوجهي وكال لي مو رضى الله من رضى الوالدين اني ما راضي عليج يعني اول مرة بحياتي كلها اكول شي ما يعجبه رغم اني احن وحده عليه كليومية بليل افرجله رجله بالزيت وتتكسر اايدي بس ما احجي واكثر وحدة بارة ي حتى هو كال المفروض انتي تصيرين خليفتي بس كلمتين دمرت كلشي وتبرا مني صار لنا 4 شهور ما حاجين رغم اني امشي كباله واكل وياه بس لا نظراتنا تلتقي ولا كلام بيناتنا كليومية ابجي واكول احب ابوي بس هو لو يخيروه بينا وبين ابنائه من مرته الاولى يختارهم هم واني يتبرى مني خلال هاي الاربع شهور ما نضربت ولا ستنقص مني ولا نهانيت واشوف اخواتي من امي يترزلن ويستنقصهم وبالحالتين ما يصرف علينا ينطي ماما بس 250 بالشهر وبس ماله دخل بملابس باي شي يعني ماريد اعتذرله لان اذا اعتذرت راح ترجع علاقتنة عادية ويرجع على الاهانة والمذلة ودراستي فشلت بيها اذا انجح حطلع معدل 50 وهاي ما تدخلني شي اريد اقنع ماما اعيد سنة ثالثة وامشي على خطتي وتنقلني المدرسة ثاني بس اخاف ماما هم تضوج مني وتتبرى مثل ما سوة ابوي للعلم والله لا ملازم لا اقلام لا ملابس مدرسة ما مأثرة على عيشتهم والله