نصائح للتغلب على الإعجاب غير الممكن

السلام عليكم اني من كم سنة انعجبت بشخص من اقاربي بسبب دينه والتزام أخلاقه وشخصيته بس اني ما اريد هل إعجاب لأن ادري راح اضيع مشاعري على لا شيء وهم ممكن اوكع بالحرام بالمستقبل بسبب هل شي لان اني اعرف اي تصرف خاطئ مني ممكن يظهر هل إعجاب راح يكون إثم عليَّ واني ما اريد انعجب بشخص الا بعد الزواج، وهم لأن ادري تقريبا مستحيل يكون بينا زواج لانه يسكن حاليا بغير دولة ومايرجع الا بعد سنين طويلة بسبب الدراسة ،رغم هذا أخذت استخارة مرات عديدة وبكل مرة تقريبا يطلعلي ممتازة وجيدة وبعض الآيات شفت تفسيرهن بيهن امر من رب العالمين ان استمر بالشي الي استخرتلة رغم كل هذا اني ما أكدر لا استمر بهل إعجاب ولا أكدر اقلع عنة على الرغم من اني مشغولة بالدراسة وحفظ القرآن وغيرها من الأشياء بس مدا أكدر اشغل نفسي عن التفكير بهل شي ف ممكن تنطوني نصيحة حتى ارتاح من هل شي