فهم قساوة القلب وتأثيرها على الروحانية

السلام عليكم هذا الموضوع دائما اسئل عنة لأن مخوفني و ما جاي الكة الة جواب يقنعني او يطمني الي هو قسوة القلب اني ملتزمة بالصلاة و ما اسوي معاصي اعترف اني ما عندي رغبة بيهن بس عندي كم خطأ بالسلوك يعني مرات اتعامل ويا اهلي و ابوي خطأ بس استغفر و احاول ما اعيد الخطأ و اتحسن جاي اقرة بالدين و اذكر الله و اقرة قران يومي كلة ذكر اكثر شي لو اتابع محتوى ديني باختصار نهاري كله احاول ما اضيع وقتي بشي مو مفيد و اخر اليوم احسب اعمالي ما عندي بس كم خطأ و مسوية اعمال زينة بس رغم هذا كله احس قلبي قاسي اني طلعت فيديوهات على الامام الحسين عليه السلام بجيت يعني اكدر ابجي بس ليش احس قلبي قاسي معقول هذا بسبب الوسواس وضيق الصدر لأن اني راسي يوجعني و ضيق صدر عندي لأن احاول ما اضيع وقتي بلا فائدة و اضوج اذا ما اسوي هواي اشياء زينة ف يضيق صدري ف شنو سبب قساوة قلبي