عنف اسري

السلام عليكم انا بنت عمري ١٩ من وانا صغيره لعمري هذا حياتي عباره عن ضرب و اهانه ولا يوم سمعت كلمه حلوه من اهلي الا ما ندر وهم بلشقى ما طالعه من گلبهم .. حالياً انا ادرس سادس علمي من بدايه الدوام لهاي اللحظه يكلولي لو تجيبين معدل ١٠٠ ما ندخلج كليه من تخلصين مدرسه نسويج خادمه عنده .. واذا احجي وياهم يكولون احنه اهلج ولازم تسمعينه هم يفكرون انو لان همه اهلي لازم اطيعهم و اعبدهم عبالك همه فد أمام لو نبي اي شي يكولو لازم اسوي .. انا اكيد واجب عليه طاعتهم بس مؤ يتدخلون بشي مصيري و هم على أقل شي يضربوني و من احاول اتقرب الهم يصدوني خاصه امي كل ما احجي وياها على دراستي تكلي انا اريدج ترسبين حتى اتركين المدرسه و تكلي صرت اتمنى انو ما جايبتج للدنيا و الخ... تعبت من تعاملهم و عنفهم وعدم تفهمهم حاولت ادخل طرف ثالث الي هو عمي بيناتنه باعتبار هو دكتور نفسي بس اهلي طلعوني جذابه كدامه و حاولت مره ثانيه انو احجي ويه باحثه اجتماعيه بس هم طلعوني يمها جذابه .. نفسيتي كلش تعبت منهم و ضربهم مو ضرب عادي كلش قوي واذا اريد احجي وياهم ابد ما يسمعوني حاولت انتحر مرتين من وراهم اعرف انو هلشي حرام بس جد من القهر الي عايشه بي و تفرقتهم بيني وبين اخواني.. علماً انو انا اكبر وحده بين اخواني و البقيه اهلي معاملتهم تختلف جذرياً صح مرات هم يتعصبون عليهم بس مو مثلي + انو اهلي ما كملين دراسه و تفكيرهم مغلق عدهم اهم شي حجي الناس.. تعبت منهم و ما اعرف شنو اسوي فدوه كلولي اشلون انتصرف وياهم و اقنعهم بأفكاري و انو اكمل دراسه لان صراحه هلشي الوحيد الي مطيني امل بالحياة